血液專科醫生 助不育高齡婦生仔

已經約咗聽日見陳醫生，希望幫到我啦。。。

蘋果日報2013年12月2日

「育有一對3歲龍鳳胎的俞太，結婚後第五年開始，嘗試過三次人工授孕，但不成功，原來是因免疫力強，導致身體排斥胚胎。其丈夫俞先生在報章看到血液專科醫生陳雲斌，曾經成功協助婦女懷孕的新聞，於是致電求助，約4個月後再試第四次人工授孕，終於誕下兩名子女。」

http://s.nextmedia.com/apple/a.php?i=20131202&sec_id=4104&s=0&a=18532801

港女肝鬱腎虛難陀B

長期開冷氣傷身體陽氣

分析發現36至40歲的病人群組，懷孕率最高逾54.5%；40歲以上人士中也有逾27%人經治療後可懷孕。多數人在服藥一年內懷孕。提醒市民調低冷氣溫度、飲合適湯水或薑茶也可暖身。

卜友們繼續努力！

全文：

http://hkm.appledaily.com/detail.php?guid=18509392&category_guid=4104&category=daily&issue=20131115&mobile=1

點解？惡夢往往只會係過咗probation先出現 o(〒﹏〒)o

就係過probation的前一星期，我俾人morning call咗4次，2am有、5am有、星期六、日都有。原來，我個role係要返7x24x365的！（即係一星期7日，全日24小時，全年on call!!!）

明明見工時話一個月只有一次要non-working hours support，但事實係一星期至少2-3次。我一個人7x24x365，無peers同我輪更，咁樣on call法，等於我一個人返4更，人工無x4之除，第二朝又要返9點sharp，想瞓多20分鐘都唔得，仲要無comp leave喎，點做？

Working hours 忙同OT都唔緊要，3更半夜俾人call醒、星期六朝俾人call醒、星期日朝俾人call醒，真係頂唔順！大佬，我唔係超人，我唔可以一個人返4更，最重要係我唔係唔洗瞓架！╰（‵□′）╯

上星期日晚，老公革令我熄手機，佢話如果老細話我就同老細“傾”，話我做唔到7x24x365，叫老細俾個解決方案，要一個月内實行到。

我第一次見老公對我份工咁不滿。但又係喎，放咗工，老公就係我老細，老細話熄手機就要熄架啦，好過影響埋我老公第二朝無精神返工，連佢份工都無埋丫。

同老公商量過，打算就算未揾到工都會辭職，又係第一次見老公完全無反對。之前俾人call到連對瞓覺都有恐懼，覺得一瞓著就會俾人call醒，唔再enjoy瞓覺，唔再有happy Friday（事關星期六、日都可能要做野），對電話嚮亦有恐懼，真係好辛苦 (（＞﹏＜）)，有咗老公俾我既GO signal，令我舒緩咗好多。

不過家陣遞信，都要兩個月先走得（2 months notice），兩個月後又差不多農曆年（不過農歷年都係要on call架啦），又差不多出bonus了，所以，仲諗緊幾時遞信好。。。

後悔極了！

兩個月前，離開了謹做了兩個月的英國公司，當時，是因為有等於無既醫療津貼，及覺得佢地可能好快就唔需要我，所以當有銀行肯請，醫療福利包我&老公，仲係人生第一次帶team，我就扑到accept offer了，雖然accept前有點不祥既預感，但抱著“應該無得輸”同埋“大不了再轉”既心態，最終都係accept了。

第一日返工，見到自己個位得個窿（一個大約得3呎×3呎既位），都已經想立刻轉身走，但諗到走咗就前路茫茫，心諗“有糧出就算啦，人地俾咁多錢你坐窿就坐窿啦”，跟住就坐底了。第一日返工，就已經知道其中一個小朋友明天last day... 第二日返工，就收到另一個小朋友的辭職信，天啊，呢間咩公司嚟架？最大鑊係，封辭職信有grammar mistake ga!!! 大佬，上網大把template可以抄，點解可以犯d咁低等既錯，仲要係d咁低質素既人，都離棄呢間公司呀！同日再要幫手interview請人。返咗兩日工，已經試晒我10年都無做過既野，feel到好唔對路，所以即刻揾工。

Keep住都有d recruitment agent打電話嚟吹水，可惜都係無米粥，主要係人工俾唔到，同埋只係請contract，medical就算有都唔包老公，annual leave又少，所以真係好無奈 (u_u)

無奈無奈地做了兩個月，雖然請返d似樣d既小朋友，可惜我越來越覺得我個上司唔對路，佢同我處事既方向好唔同，始終佢做開中資銀行，喜歡人早返工（係早，唔係準時就得 -_-;），早返工+肯埋堆=做得野，而我係美資銀行出身，喜歡result oriented，做野從來都係對事唔對人。跟上司既處事方向咁分歧，可以點呢？

Bye Bye Yahoo! Blog

Yahoo! Blog將於2013年10月30日進入唯讀模式，2013年12月26日關閉服務，慘慘慘！

http://blog.yahoo.com/yblog_hk/articles/1350869

Pigbun Kitchen 只好移居到blogspot啦，我會盡量抽時間copy返yahoo的卜文去blogspot，卜友們你地都記住通知返我你地既新地埗呀！

http://pendyl.blogspot.hk/

雪B的命運，決定了。。。

原本EXPECT勝利會係上星期打嚟問我仲要唔要個雪B，但遲遲都未收到電話，咁都好既，等我有多D時間諗清楚。

回應返好多卜友建議我問醫生意見，但我始終覺得為咗一顆有碎片的雪B，花時間﹙等候/排隊﹚同金錢﹙consultation fee$700﹚去搵醫生實在不太划算，都係自己上網RESEARCH下咩叫有碎片﹑會有咩問題等等啦。結果係，囊胚有碎片，通常係代表胎兒死亡的機率很大，或流產的機率很大，但亦都有成功既例子，要睇埋囊胚質素。。。咁 -- 我又即管摷返個REPORT出嚟，RESEARCH下我個囊胚質素算唔算得上好啦。

我的最後雪B是GRADE 5CA，根據以下我搵到既資料，5 = Hatching blastocyst 孵化中的囊胚，品質方面，由好到差依次序係︰AA、AB、BA、BB ＞ AC、BC ＞ CA、CB、CC，我的即係尾三（V__V）﹔都未計解涷既成功率得70%。。。所以都係算把啦。。。

囊胚期胚胎

囊胚的發育程度分為

1. Early blastocyst　早期囊胚（囊胚腔小於1/2大小）
2. Early blastocyst　囊胚（囊胚腔大於1/2大小）
3. Full blastocyst　完全囊胚
4. Expanded blastocyst　擴張的囊胚
5. Hatching blastocyst　孵化中的囊胚
6. hatched blastocyst　完全孵化的囊胚

再根據內細胞團（ICM；Inner cell mass）與滋養層細胞（TE；Trophectoderm
cells）的狀態給與ABC等級的區別，如下表所示：

ICM/ Trophectoderm	Many tightly packed cells	Several loosely grouped cells	Few cells
Many cells forming a cohesive epithelium	AA	AB	AC
Fewer cells forming a cohesive epithelium	BA	BB	BC
Very few large cells	CA	CB	CC

品質越好AA、AB、BA、BB ＞ AC、BC ＞
CA、CB、CC的囊胚胎代表著有越好的著床率，囊胚期胚胎植入除了可以提高懷孕率外，多胞胎率與子宮外孕的機率也相對地降低，但是唯一的缺點是約有8％的人可能沒有胚胎可以進行植入。

Other Reference:

• 胚胎分裂期(cleavage stage)細胞之分級
• 孩子的狀況好嗎? 第五天囊胚介紹

人工授孕費大減9成

人工授孕費只需約2,000港元？！如果係真既就好啦

蘋果日報 2013年07月09日
比利時醫學人員在歐洲人類生殖和胚胎年會宣佈，成功簡化試管嬰兒技術，令費用降至傳統收費的10%-15%，只需約2,000港元，成功率與傳統相若，至今已培育12名試管嬰，稱可造福發展中國家數以萬計夫婦。
《法新社》

放完產假之後被裁了。。。

睇開我個BLOG既就一定知道個受害者唔會係我，因為我未生得出。

件事係發生係我舊同事身上的，係我一月被裁既時候，佢仲放緊產假，當時我仲心諗同唔到佢SAY BYE TIM，另外又諗如果我好似佢咁，有個肚頂住就唔洗被裁啦﹙聽聞生仔前後一年內都唔炒得架嗎﹚，點知原來真係可以照裁架喎。公司既理由就係成個FUNCTION REDUNDANT囉，但實情係將佢其他同事TRANSFER咗去第2個部門，無TRANSFER佢，咁當然亦可能因為佢放緊產假，公司幫唔到佢攪TRANSFER啦。所以，最終其實只有佢一個要走。。。

我問過一個做HR既朋友，公司賠足俾你，名義上又係成個FUNCTION咁CUT，所以都無得告架啦，而我個舊同事都唔打算告，事關大家都等咗呢日好耐，公司仲要等你生埋先裁，真係算係咁啦！

原來生仔唔係免死金牌，好似我舊同事咁，生完第2胎先無咗份工，雖然隻肥雞都頂到一年既，但如果真係咁唔好彩，一年後都搵唔到工，得老公一份人工要餋5個人，都咪話唔担心。唉，有無工係搵到錢之餘又唔會裁員架？？

39歲女生育力不遜27歲

我都相信39歲的女人生育能力係無問題的，問題係33歲以後就難成孕啫。Anyways，卜友們，努力呀！

蘋果日報 2013年07月02日
不少人說「有仔趁嫩生」，婦女年屆35歲後生育能力會逐步下降，但美國專家卻反駁說，39歲婦女的生育能力，不比27歲遜色。
根據美國生殖醫學會發出的指引，指婦女年屆30歲後，每個月的生育成功率為20%，到年屆40歲時，成孕機率更跌至5%。不過美國聖迭戈州立大學心理學家特吉（Jean Twenge）指出，這些統計數字源自法國1670年至1830年的出生數據，那個年代沒有抗生素，而且沒有電力供應，醫療水平不及現時先進，生活水平也遠較今天低。
特吉又參考研究770名歐洲婦女懷孕數據的調查，發現每周行房至少兩次的夫婦中，有82%的35至39歲的婦女一年內懷孕，至於27至34歲婦女懷孕率則是86%，顯示接近40歲的「熟女」，生育能力不會顯著下降，盼推翻現時醫學界落伍觀點。
英國《每日郵報》

應該放棄雪B嗎？？？

今日又DAY1了。

不經不覺，第一次放胎到而家，差不多半年了。當日放完胎，就係個CALENDAR度MARK低咗，6月30日雪B到期RENEW。兩個月前問過老公仲要唔要雪B﹙DAY5胚囊嚟GA LA﹚，佢話唔要，一個月前問佢，佢話唔要，今朝再問佢，佢都係話唔要 V_V

因為得返一粒，佢話唔想嘥錢放，醫生話雪B QUALITY唔係好好，咩有碎片，老公驚會生個弱智/兔唇/身體有問題既B，所以好堅持唔要，但我始終有點不忍，好似白白放棄一條生命咁，生命係咪真係應該用錢去衡量呢？係咪有『碎片』，就代表生出嚟會有問題GA？好矛盾。。。

全天然飲食療法 半年內可成孕

昨日睇到蘋果日報呢篇新聞，你估係咪有效呢？問題係，有幾多人可以做齊以下呢12樣野呢？！

快速自然成孕12項貼士

1.每周做愛最少3次
2.每日最少飲1.5公升清水
3.早上7時至9時進食早餐
4.每日進食9份蔬果
5.晚上11時前入睡
6.每周做三次30分鐘運動
7.多接觸大自然
8.少吃高脂食物
9.避免飲酒及含咖啡因的飲品
10.進行重金屬及腎上腺皮質醇測試
11.保持心境開朗
12.避免接觸環境毒素，如雙酚A

全天然飲食療法 半年內可成孕

峰迴路轉，變咗獨自去倫敦，兼同老公分開17日。

 

 原本去London training既日子剛好夾到我既排卵期，約好咗老公孖我一齊去London，旅遊、返工兼做b。事關公司最後決定叫我5月20日先到London，咁啱之前有個long weekend，我地決定自費早兩日去玩。正當我連行程都已經plan好既時候，旅行社話訂唔到酒店，可以退返錢俾我。咁唯有齋訂機，另外再自己揾酒店啦，最終酒店book到了，準備去俾錢時，老公收到了惡耗，就係佢係加拿大個阿姨時日無多了，係腸癌，所以老公最好過去見佢最後一面。。。

蹱到正我要training，加上只係上工一星期，而個training又唔係只for我一個，所以除非我唔撈，如果唔係，我根本無得唔去London。另一方面，大伯好踴躍話要飛去加拿大見阿姨﹙事關阿姨由細睇到佢大，但我老公唔係﹚，老公亦唔好意思因為要去London"玩"而唔見阿姨最後一面，始終今次唔見，真係下一世先見架啦，唉。。。

同老公權衡過輕重之後，唯有我倆分頭行事啦。就係咁，我個Made in London既做b夢沒了 （︶︿︶）。

老公應承咗去加拿大，會去17日。17日呀！我同老公已經好耐未試過分開咁耐啦，好唔慣呀，好掛住老公呀呀呀！

如果唔係我新工上任、如果唔係要去London training、如果唔係咁啱旅行社book唔到酒店可以退錢、如果早兩星期或遲兩星期先上工、如果4個月前我ivf成功咗家陣陀緊b、如果。。。我就唔洗同老公分渡洋飄啦，太多既巧合了。。。老公話次次dodo完我都會病﹙其實無食中藥之後已經無再發生﹚，佢唔想我係London病倒，所以唔肯臨別秋波，M小姐仲要早到咗，攪到我要係London買M巾，帶住巾坐飛機, 13 hours flight ah，超討厭！

失業的最後一天，正式告別中環！

話咁快就失業咗3個月零3星期﹙即15個星期/109日﹚，過埋今日，下星期一就要返新工啦，新公司係太古城，雖然好近屋企，但我真係好唔捨得中環呀！

未返新工之前，已經見過d新同事幾次，雖然人少少，但就個個都好nice，同埋好國際化囉。事關同我同一日上工既同事﹙suppose係我既direct manager﹚，佢係馬來西亞人，再對上係London既director，應該係印度人，駐香港既it manager就係英國人，我本身係香港長大，之後去咗加拿大讀書，所以我既英文係港式+美式，小小既office內，有齊咁多種style既英文，認真犀利。

一直都想寫返個失業日記，但到咗今日先的得起心肝寫。人就係咁架啦，懶得就懶，記得自己第一日失業既時候，諗住唔洗返工，就可以日日去跑步，結果係，失業差不多4個月啦，係一次都無跑過囉﹙﹁__﹁、﹚。不過我有係屋企跳鄭多燕，都跳咗過好多次ga，算係咁啦。失業咁耐，我最勤力既就係敷mask，差不多隔日敷，失業之前塊面成日出油脂粒，好困擾，唔知係壓力問題，定因為想生b而食過好多中藥，攪亂晒d荷爾蒙。呢4個月，我日日自然醒，隔日就敷mask，2-3星期就去facial，終於塊面好返好多啦，呢個係最大既得著。

今日一次過寫晒呢3個月零3星期既失業感想，其實仲未完架，得閒再寫啦 ^^

詳情請按我的失業日記

另外，失業既時候，我開咗個fans page，見到有咩筍野就會post上facebook，希望大家都可以慳多d錢，尤其係d要靠搣積蓄渡日既人。大家都支持下啦http://www.facebook.com/PigbunKitchen

完成不了的心願，一點遺憾。。。

依我而家用100%等奇蹟既方針，其實自己心裡有數，知道中既機會等同中六合彩3獎，所以為咗唔想人地再問，我會同人地話「我唔生啦」，但實情係「我生唔到」。「生唔到」的確係無咩所謂，只係有點遺憾（︶︿︶）。。

遺憾係，我有4位好姊妹，兩位我睇住佢地結婚（其中一位個老公仲要係我介紹俾佢的），一位上年生了，一位都剛剛生了，另外兩位都剛剛報喜了（回想起，其實好似我係第一個打算生的）。當年，我地一齊交流下點計排卵日，應該邊日dodo，邊度有驗排卵棒特價，睇邊個中醫好，食d咩幫助懷孕，還有很多很多話題，但現在，開始越來越無共同話題了。。。當年，我仲有諗過係大家生晒之後，arrange幾pair人+b，一齊去studio影紗龍，可惜，呢件事而家應該無我份了。。。當年，我同其中3個姊妹一齊學日文，我地一齊去考試，一齊pass咗，之後一齊請missy去Marriot食buffet慶祝。點解，生b唔可以一齊pass？？

另一遺憾係，因為一些原因，老公同老爺反咗面多年，就算見到面，或者同枱食飯，老公都唔會叫佢一聲老豆（但老爺又確係幫唔落既），奶奶同大姑奶都因為呢樣野有d唔安落，作為新抱，我會幫老公叫聲老爺，除咗咁，就無野可以做，之前有諗過，如果生到個b，阿b就可以幫爸爸叫聲爺爺，同埋有個小朋友，應該容易d解開佢地兩父子個結，或者，個天覺得呢個結唔需要解啦。。。

琴晚，跟大伯的朋友一齊為大伯興祝生日，大伯的朋友們都結晒婚同生咗小朋友，大概3-4歲，大家係度高談闊論d小朋友返學既事，我同老公就只可以坐係度發夢，因為呢d話題完全唔關（或者唔知幾時先關）我地事。遺憾係，相信未來將會有更多機會，面對成枱爸媽，討論子女問題，而我同老公係完全加入唔到的，感覺被遺棄。。。

面對住成枱爸媽，我真係好唔明點解生b係咁難，人地個個都做到，偏偏得我做唔到？又話6對夫婦先有一對不育，點解偏偏要選中我呢對係不育？？好唔甘心，但又好無助 _(︶︿︶)_

又day1了。。。

決定唔生後的第一個day1，回想起上個月的day1，我哭了，之後同老公發了一大輪嚕穌，叫佢要生就揾第二個同佢生，最終大家都決定唔生就唔生囉，試過唔成功，已經叫做有了交代。一星期後，老公又忽然問我：「真係唔生呀？」我好堅定話「係」，但轉頭我又會繼續睇bk，睇下有無其他辦法，因為有點唔憤氣。有時老公又會無啦啦話，唔生都好既，無咁大壓力（事關佢最近生意唔好）。我地倆公婆就係咁，成日一時一樣  ╮(╯▽╰)╭

不過今個cycle，老公好勤力，排卵後5日內，dodo咗4次，見老公咁勤力，我都好希望上天可以獎勵返佢，可惜奇蹟尚未出現，而我亦都好平常心咁面對又一次的day1。

報告一下揾工情況先，4月11日終於簽咗employment contract，正式宣告我有人請啦，人工比之前個間多咗15%，5月13日先要上工，返工兩日就要飛倫敦training 11日（嘻嘻，我第一次去倫敦ja，老公會同我一齊去，走過浮華大地）。所以今次day1，我同老公話m來了，除咗唔洗驚生蛇b之外（其實我地真係好唔想要蛇b），仲校啱咗時間，分分鐘我地可以有個Made in London既baby，哈哈，老公就話：「吓，乜你仲有諗住生咩？」我無答，跟住一齊偷笑了，呢d就係我地既默契。
～（￣▽￣）o∀*∀o（￣▽￣）～

無論如何，我地都會欣然接受上天既安排，希望幸運早日來臨啦 ^_^

改善精子形態

好多人都知食煙、飲酒、飲可樂、飲咖啡、壓力、夜瞓、焗桑拿、癡肥等等，都會影響精子質素，但大家既老公又改唔到/唔肯改，做老婆既真係好無奈。不育科既西醫成日話精子質素差係無得救，所以做老婆既就只可以做多一點點又一點點咁樣去彌補，最終走上IVF呢條路，捱十幾廿針肚皮針、捱抽卵谷卵之痛、又塞藥、又噴鼻。。。最慘係做完咁多野都唔成功。唔成功，醫生就只會話係原因不明，但我覺得好大機會係因為精子質素唔好，所以個胎最終生長唔到，咁點算好呢？有幾個改善精子質素既方法，同大家分享下。

1）葉酸 - 係老公食葉酸喎

輯自頭條日報

~~~~~

精子外貌健康——即一個頭一條尾巴，才能令卵子受孕。陳勁芝指出，「葉酸」是組織精子細胞及脫氧核糖核酸（ＤＮＡ）的營養素，男士們每日應吸收約400微毫克份量。欠缺「葉酸」的男士，其精子細胞的基因會較為不正常及混亂，日後誕下的嬰兒亦較有機會患上基因疾病。○八年一項外國研究發現，八十九名男性中，吸收最多「葉酸」的，擁有最少外形不正常的精子，可見「葉酸」對精子發育非常重要。另外，必需的脂肪酸，例如亞麻酸及亞油酸，亦是製造精子細胞壁元素；更有研究指出攝取過多反式脂肪酸，受損的精子細胞會更多。

「要培育正常外形的精子，男士們不妨多吃深綠色蔬菜、乾豆類、全穀物食物及橙，來吸收足夠葉酸（每日400微克）；攝取橄欖油及魚油來取得優質脂肪酸。」陳說。

全文

How Folic Acid Affects Male Fertility

~~~~~

大家都知準備生bb既媽媽要食葉酸，但我個醫生話其實唔洗食，葉酸係可以幫助bb腦部發展，未有之前其實唔洗食，有咗先至開始要食，所以我已經停食了。家陣話原來老公更應該食，咁就食得唔好嘥，俾老公試下。

2）去泌尿科睇下有無睪丸靜脈曲張問題

輯自wikipps.hk

~~~~~

精索靜脈曲張 -病征

陰囊內的靜脈出現腫脹；情況多發生於左方睪丸一側，但亦可以發生右方一側，甚至同時出現於兩顆睪丸； 

陰囊外浮現出如蟲狀的血管分佈； 

睪丸部位出現間斷性的疼痛；但不適的感覺亦會因人而異； 

睪丸出現沉重的感覺； 

由於血液積聚於陰囊部分，致使陰囊內的溫度提高，影響精子的產生，有可能會導致不育； 

睪丸萎縮。

精索靜脈曲張 -引起男性不育的主要原因

1、精索靜脈內壓力增加，血液瘀滯，幹擾睪丸的新陳代謝;　　

2、睪丸溫度平均比正常升高;　　

3、睪丸分泌細胞受抑制而分泌睪酮下降;　　

4、左右睪丸靜脈叢互相交通，因此一側精索靜脈曲張往往造成兩側睪丸損害。　　

5、睪丸局部因靜脈血液回流障礙而缺氧，精子生長環境改變;　　

6、在精索內靜脈逆流的血中，毒性物質的影響可導致睪丸生精功能的障礙; 

精索靜脈曲張 -手術後效果評價

精索靜脈曲張治療後生育功能恢復的情況主要與睪丸損害可逆性的程度有關，而與原來靜脈曲張的程度並不一定平行。實行精索內靜脈高位結紮術治療，多數人效果較好，精液質量有不同程度改善，少數精液質量無改善者除與手術結紮靜脈不徹底和誤紮動脈有關外，主要還是原有的生精功能已受到不可逆性損害。據報道，手術結紮治療後半年至1年，精液質量有明顯改善者約占50％～85％，受孕率達30％～70％。因此為瞭提高靜索靜脈曲張的術後受孕率，選擇有經驗豐富的手術醫生顯得至關重要。因為在術前靜索靜脈曲張對睪丸生精的損害扣程度是無法改變的，而為瞭提高治愈率來選擇有經驗豐富的手術醫生是可變的。

全文

c6 丁丁差的姊妹請入（我覺得不育醫生不誠實） - 想生BB - 親子王國

香港衛生處 - 精索靜脈曲張

~~~~~

Bk既jm們話手術大概2-4萬，手術後自然bingo既機會有6成，相對ivf既成功機會只有3成，好似試得過喎，不過當然要睇咗泌尿科，睇下係咪有問題先啦。

3）戒可樂+早瞓兩星期

呢個係我朋友既經驗，佢老公原本形態得3%，準備做iui (simulate cycle)，醫生叫佢老公戒可樂+早瞓直至交丁，佢老公真係好乖咁戒咗可樂，同埋早瞓，交丁結果出嚟係正形態去到17%，嘩，真係不得了，結果朋友咪1 take過iui bingo咗囉，所以老公肯乖乖配合真係好緊要。不過朋友老公不嬲無食煙同飲酒既習慣，我老公都戒咗可樂好耐，亦都已經盡量早瞓，可能因為仲未戒到煙酒，所以我就尚未成功。

4）Morning Q

有位老前輩同我講，話朝早瞓醒時，d精係最靚最精靈既，所以morning q最好，如果平日要返工，就星期五/六晚早d瞓，第二朝一起身，牙都唔好擦就dodo，之後再瞓到自然醒。如果未有mood dodo，都可以去食個早餐，返嚟先dodo既，最緊要係relax。老前輩話佢已經用呢個方法生咗3個，佢細佬攪好耐都攪唔掂，之後都係用佢呢個方法攪掂。佢話呢個方法，完全唔洗計排卵期，總之逢星期六&日就morning q。我其實都試過，不過奇蹟仲未發生。。。不過我覺得呢個point都幾make sense，又可以作為一個籍口，要老公早d瞓同少d去夜浦 =P

5）有病時切忌dodo

老前輩又話，有病時切忌dodo（例如感冒），因為病人需要多d精力去對抗病菌，如果係呢個時候，你要佢分配d精力去dodo，咁佢個病就會好難好，同埋手尾長，d精亦都唔會靚，所以如果你/你老公病了，大家都係最好抖抖，等好返先攪喎。

我地為咗生b，已經做咗咁多野，做得既都做晒，係時候到老公們做返d野啦！！

試管嬰之父夢中辭世

法新社 via Yahoo! 香港新聞 - 4月11日 上午01:05
試管嬰兒之父的英國科學家愛德華茲，昨日在睡夢中逝世，享年八十七歲。全球首名試管女嬰，1978年在英國奧爾德姆誕生。愛德華茲讓全球超過500萬人能夠生下小孩。

感謝你，帶給我們希望，R.I.P.

試管嬰兒之父 87歲安詳離世

政府IVF，START！

程序1﹚~ 家庭醫生
2012年12月5日，去睇開既家庭醫生，同佢話想去政府睇不育，佢好爽快就寫咗referral letter俾我。

程序2﹚~ 東區醫院
2013年1月19日﹙星期六﹚，親身去咗東區醫院打算睇婦產科，點知原來星期六/日都係唔開的，詢問處俾咗個電話我，叫我可以打去問。2013年2月15日，因為失咗業，好得閒，所以終於打咗去東區醫院，個電話都幾難打得通，打通咗佢就叫我fax HKID、醫生寫既referral letter、聯絡電話、同住址証明過去，過咗一兩日就覆我4月2日可以見醫生啦，不過後嚟佢話醫生有事，改咗4月9日先見。

4月9日去咗東區醫院見醫生，淨係揾邊樹登記，之後邊樹俾錢都揾到矇，都唔明點解唔係同一樹做晒，anyways，政府既野就係咁費解。約咗11點，我10:45到了，等到差不多11:10就有得睇了，算係好準時啦。開頭醫生淨係見我，叫老公係房外面等（唔知點解），醫生循例問我係咪想生仔、結咗婚幾耐、無避孕幾多年、之前用咩方法避孕、用過d咩方法生b、有無睇過私家醫生、食過幾多次排卵藥、有無小產過等等。答完佢呢串問題，我開始同佢講我既情況，佢聽完之後就話叫埋老公入嚟，佢話依我做過ivf都唔成功既情況嚟睇，東區醫院幫我唔到，因為東區只有iui，加上老公精子形態只有1%，iui洗完之後分分鐘渣都無得淨（佢咁講好好笑），所以一定係做ivf，佢問我點解唔再係私家做ivf，我好認真兼皺晒眉咁同佢話：「我地無錢啦。」

佢話可以refer我地去瑪麗，但我地要先決定排私家隊定公家隊，因為佢要寫係封referral letter度，私家隊應該半年內排到，大概要7萬，公家隊通常一年半後先會收到電話通知個期，通常排到39歲先有得做，私家/公家都係無得指定醫生，只可排一邊。老公差d想排私，但予其只係平3萬，覆診地點又超級唔就腳，覆診等候時間又長，我覺得唔值囉，同埋如果而家再唔開始排公，過多半年可能排唔到架啦嗎，所以我堅持話排公！之後醫生話其實你排排下公，之後話轉私隊都得既，車~~~

程序3﹚~ 瑪麗醫院

接過東區醫院既referral letter，4月10日即刻去咗瑪麗醫院，唔想老公晒時間去搵搵搵同等等等，所以我自己一個去。去正院詢問處問問，不育去S座5樓﹙即婦產科﹚，4:15pm去到，無咩人唔洗等，姑娘係我封信打咗個date chop，就叫我出去多用途室俾封信另一個姑娘睇，姑娘問有無帶老公身份證，大鑊，無！好在姑娘話叫老公whatsapp過嚟都可以，家陣有whatsapp真好！之後我又醒起無帶結婚證明書，但好在原來唔洗睇。姑娘同我話而家要等到2015先有醫生見，俾咗個登記號碼我，見醫生既半年前會有人打俾我，跟住老公要留兩次丁丁化驗，第一次同第2次相隔2-3星期，丁丁要一小時內送到QMH，事關我地住得遠，應該一小時內去唔到，姑娘話可以嚟到先去廁所攪，係呀，係廁所ja，唔會好似私家咁有獨立房，有埋4仔你睇ga，真係辛苦老公了... 姑娘仲俾定兩個丁丁container我，事關成2015先有醫生見，我問姑娘d container會唔會過期ga？佢話唔會，因為2016年先過期，係勁喎，不過我好驚到時唔見咗囉.... 

就係咁，我就開始咗等等等了！

一個好消息+一個壞消息

好消息就係，我揾到工啦！Office係屋企附近，行5mins就到，原本如果有b，呢份工對我嚟講簡直係perfect，因為lunch time可以返屋企睇b，放工又唔洗5mins就返到屋企，你話幾好呢，可惜。。。家陣返工咁近都唔知為乜？！

壞消息就係，東華學院個研究，我抽唔中，即係，我只剩下若干年後既公家ivf呢個機會。而家，一切靠晒個天啦。

點都好，揾到份工，新的開始，新的希望，唔生仔就努力做野啦。以前係大公司做，見住d同事生完一胎又一胎，係咁放產假，但我就只有日做夜做，放咗工就打針，放例假時就去抽卵、放胎，真係同人唔同命。新公司，人少少，唔洗眼紅人地有得生自己無，應該會開心d。

失業第9/10個星期 – 搵到工啦！

失業第9個星期，好開心又有工見啦，有份仲要係2nd interview，但經過之前衰咗既經驗，今次要好謹慎先得，上次既經驗話俾我知，切忌開心得太早，同埋要prepare得好d，前一日先research下間公司係做咩既，盡量令自己好中意好中意呢間公司，同埋諗定一d有深度少少既問題問個interviewer，因為唔可以俾個interview有dead air，如果一尾得佢問你答，佢就只可以越問越深，越問越離題，離咗題而你又再答唔到咀，就只會令你出醜，另外，人地問乜，你都話咗識先囉﹙上次3rd interview，佢問我10樣我有7樣話唔識，但返到屋企諗諗下，其實我識ga wor，真係蠢咗！﹚。。。

憑著呢個策略，呢兩個interviews我都成功咁邁向下一步了。不過亦都因為咁緊張，我有好多晚都瞓得唔好，見工其實真係好大壓力，話哂已經失業了兩個多月，自信心漸漸被打擊了，加上剛剛又放胎失敗，真係覺得自己好廢，好唔開心，但若言失去了自信，見工都好難成功，所以我好快就掉走了呢d負能量！

第10個星期，上星期1st in個份有得2nd interview了，因為知道另一份應該成功了，又覺得o個份好似好d，所以呢個interview我表現得無咁有passion，同埋有d野hea答了，其實咁樣真係唔係好啱。而另外一份，3rd interview之後都已經confirm咗會請，不過就未confirm邊日上工。

人就係咁犯賤，忽然間，我又中意返我hea答咗個份多過confirm咗個份喎，可惜，已經返唔到轉頭，但老公就中意confirm咗個份囉，近屋企又無咁大壓力喎。不過點都好，10個星期就搵到工，真係要還神啦 

東華學院＜中西合壁治療不育研究＞

已經無上bk一段時間，見紅那天成晚瞓唔著，就上bk睇下有無jm同我一樣咁唔開心，點知就見到個post話東華學院邀請志願者參加一個叫＜中西合壁治療不育研究＞。唔知係咪天意，個講座係3月24日11am & 3pm開兩場，我竟然3月24日零晨睇到，趕得切之餘，又咁啱打算出旺角。就係咁，我即管打去問下，第一次打去無人聽，之後出到旺角又即管再打多次，有人聽啦，不過話個講座已經full了，但我留咗名話如果再攪通知我，轉頭2:15pm就打返嚟俾我話個project有位淨，問我參唔參加，我梗係say yes啦，約咗3月28日見醫生。我無去講座，但就可以參加個研究，即係最多可以有9萬蚊津貼做ivf。有去講座既bk報料話，實情係有3次機會做ivf，每次資助3萬，都好過無啦。

今日去見咗醫生，原來3萬蚊資=醫生費全免+針藥有8折，可以選擇用gonal-f，扣除3萬蚊資助，自己大概要俾4萬8，抽中中藥組再藥費另計。淨西組一抽中就會立即開始療程，中+西組就先睇兩個月中醫，無得揀參加邊組，被抽中既機會只有10-20%﹙應該係預有200人參加，其中再抽20個做研究﹚。簽咗同意書之後等抽籤，又係時候睇天啦。。。祝我好運啦！

詳情

<東華..邀請研究志願者..講座>----中西結合人工受孕 - 想生BB - 親子王國

IVF Round 1.2, FAILED！心碎了...

昨天見紅了。。。

今次我無偷驗，以為盡量唔諗，咁樣就算係放鬆了，但原來都係無用。醫生話星期六驗，我星期六朝早都無驗，因為夜晚約咗朋友入深井食燒鵝，驚知道咗就要開始戒口，所以打算食完先驗，點知臨出門口前便見紅了。其實之前一晚已經開始有少少谷m感覺，所以都已經心知不妙。

之前一晚總計過，3年來，包晒睇中醫、西醫、針灸、驗輸卵管、通輸卵管、割子宮息肉、IUI x 2、IVF x 2，總共洗咗差不多15萬，得到的只有肚皮多了3個疤，28次的失望，同最後一個雪胎。今次放雪胎洗咗萬6，最後的一個雪胎唔係好靚，老公覺得洗多萬6放一胎唔值，所以應該會棄胎了。。。

今次，我是真心決定唔生了，我甚至同老公話：「我唔生啦，要生你揾第二個同你生啦！」真的，我真的這樣説了，還說了很多次。輸卵管閉塞、子宮息肉，我都解決了，呢個月仲要唔洗返工，無壓力又有充足休息，有日日飲黑糖薑茶、食花膠、食朱古力、有打針、有塞藥，但個子宮都係唔聽話，根本已經無計可施，只好認命，如果老公要揾第二個同佢生，我亦無寃。真的，真的無寃。

話晒都已經努力咗3年了，老實說，生b的熱情真的已過。之前一直抱住人有我有既心態，怕自己唔生，就會同d fd無晒話題，成班fd又唔多唔少會形造出一股“鬥快生”既情緒，事關大家都踏入高齡了，但現在，身邊的朋友都已經成功了，我已經唔需要再鬥，因為我已經輸了，我真的輸了。

Blog友們，你地努力啦，我會繼續祝福你們，加油！

4月2日東區醫院的appointment我會照去，通常d人要等若干年，我就即管睇下自己有無咁好彩，40歲前排到啦，呢個將會係我地既last last chance!

最近一連兩單忤逆子殺雙親，你係咪仲想生呢？

最近一連兩單忤逆子殺雙親，對於準IVF爸媽嚟講，會唔會有所猶豫，係咪真係仲咁想生返個呢？

我27歲結婚，我同老公都係理性型，當時我地成日諗應唔應該生？應該幾時生？咁啱老公睇到篇分析，個分析話生仔既目的只有3個：

一）當投資，希望子女第時發達，帶遏你有大屋住，老時生活富裕；

二）為興趣，希望子女可以為個家庭帶來歡樂；

三）為延續下一代。

個分析進一步解釋，一）當投資的話，係而家呢個年代，一般人真係唔好奢望子女可以養到你，佢地會發達之餘仲會照顧你既機會係等同中六合彩，佢一出世，你幫佢買定100萬教育基金就差唔多，等佢18歲時有錢洗。所以，呢一個目的，只係適合本身好窮好窮既父母，佢地已經窮到無野輸，生咗出嚟又有政府養，用政府既錢嚟買張六合彩，何樂而不為？！

二）為家庭帶來歡樂，呢個係大部份中產既願望，但實情係，由佢第一下喊開始，你就日日都擔心佢，擔心佢食唔飽、著唔暖，擔心佢唔夠人叻，第時養活唔到自己，擔心佢學壞，女既就擔心佢俾人攪大個肚，男既又驚佢販毒，家陣仲要驚俾唔夠錢佢，佢返嚟斬你。。。我見而家d小朋友，4歲已經與ipad為伴，你想佢踩下你都難。歡樂？有都好短暫囉。

三）為延續下一代，呢個適合有錢人家族，有家族生意或者丁權，需要揾人繼承，又或者幫手分下身家咁，如果唔係，繼後香燈呢樣野根本無咩實際意義。試問一下自己有咩咁值得子女繼承？我就自問無咩過人之處。

當年就係睇完呢個分析，我同老公都決定唔生住。就算係而家，極其量都只係睇下生個b，頭家會唔會開心d（即目的二），再睇埋呢兩單新聞，我地對目的達到好有保留。你地生仔既目的又係咩呢？

再過多兩日就派彩了，今次睇得好開，無好似上次咁，day25就驗紅d綠d，醫生叫星期六驗就星期六驗啦。如果真的bingo了，希望個仔/女會係一個好人啦！

機癡宅男弒雙親 

鬼叫你咁窮-母溺愛反被子罵

失業第7/8個星期 – 開心得太早3rd interview衰咗﹑繼續未完b夢﹙放胎﹚。

失業第7個星期，終於又有工見啦，仲好快arrange埋2nd & 3rd interview tim，另外仲有兩份等緊1st interview，忽然間好似好搶手咁。可惜3rd interview既時候表現得唔好，衰咗！所以有時真係唔可以開心得太早。。。另外，又幫爸爸媽媽攪咗40週年結婚紀念，呢個又係失業前已經plan咗的。

第8個星期，雖然未搵到工，但同老公商量過，ivf個plan會繼續，星期一就去咗放胎。

我另外的blog文︰放胎了！放胎了！

放胎之後抖咗一日，星期3&4有3份工見，又約咗d朋友食飯，又係好忙既一個星期。

不經不覺就失業咗兩個月，仲係無咩進展，開始有d慌了。

放胎了！放胎了！

今日放雪b（FET），約咗1:30pm，我好乖咁1pm已經到，見未係好急小便，即刻飲多兩杯水，之後就等醫生到。醫生今日好旺，有3個patients放胎，我排第二。

醫生話解涷了的4個胚胎，有一個生長得好靚去到胚囊，有一個慢少少，不過都仲生長緊，另外兩個就已經停止了生長。所以今次會放兩胎，放已經好靚同慢得嚟仲有生命的兩胎，慢的那胎可能之後會後來居上都唔定，又或者可以幫助到靚的那胎著床。醫生點話就點話啦。

放完胎，食個飯，之後就返屋企了。琴晚煲定咗桑寄生蛋茶，聽聞幫助安胎，飲咗一碗同食咗幾格朱古力就上床瞓了。今次放既係day5既胚囊，醫生話應該今日或聽日就著床架啦，所以呢兩日要瞓多d瞓多d，蝦仔你都要乖乖著床呀，知道嗎？！ ^_^

再次有俾人爭既感覺

失業了個半月，仲未揾到工。

Recruitment agents見咗好多，接過佢地好多電話，見過兩份工，今朝有一份2nd interview了，in完之後唔夠一個鐘已經收到agent電話，話有得3rd in啦，嘩，好開心！Agent問下我嚟緊仲有無interview，我話有，下星期三，佢當堂好緊張，原本下星期五先3rd in，即刻改咗今個星期五，好攪笑^_^

下午要call另一個agent，就係幫我arrange咗下星期三去另一間公司interview的那位，佢想同我walk thru下個interview既野，呢個agent幾好架，我之前有份工都係經佢成功咗既，不過就長氣d咁囉。佢同我walk thru完就問下我今朝見成點，我話已經arrange咗聽日3rd interview啦，佢一聽到就好緊張，之前唔小心爆咗個公司名佢知，佢話幫我research過，個間公司應該唔好做，無人做到超過5年，blah blah blah。。。d人，原來就係咁現實，為咗做成單生意，中傷其他公司，唉。。。

明白既，明白既，揾食嗎。不過都好多謝佢令到我再次有俾人爭既感覺，嘻嘻，你知啦，個半月前先俾舊公司“遺棄”，好在我無放棄自己，無俾佢打擊到我既自信心，欣然接受，向好既方向諗，然後重新上路，希望最終成功啦。

其實呢排真係好勤力揾工，事關原來我舊舊公司，成team人被裁了，知道多咗咁多人同我爭，又點可以唔勤力d呢，一定要快人一步，咩都做住先啦。

事實証明，揾工係易過做b，只要你認真少少，用少少時間做下research，就可以得到，但做b呢，就係你幾認真、幾勤力、做幾多reasearch、試幾多偏方、拜幾多神佛，都未必會有的。。。

失業第6個星期 – 「拗撈」變組織「失業兵團」。

失業第6個星期，又去見個consultant，consultant話7成既人係經朋友介紹搵到工的，叫我最好多d搵fd同舊老細，聽佢咁講，我就搵返舊舊公司既同事「拗撈」啦，點知，佢地成team人都剛剛被裁了，嘩，大鑊，又多幾個人同我爭飯碗了，要勤力d搵工先得啦！

知道大家都失業了，即時就想約埋一班「失業兵團」出嚟聚一聚，嘆下下午茶，分享下被裁既歡樂﹙我地4個都係女，除咗一個80後，其他都結晒婚﹚，不過其中一個80後，已經即刻買咗機票去歐洲玩一個月，另外兩個就乘機陪下仔女，所以最終無出到嚟，只係大家係whatsapp個group update下大家既近況咁。

IVF Round 1.2 Day 14

今日見醫生，醫生照咗話排卵同内膜厚度進展理想，抽咗血驗LH，再決定星期六定下星期一放胎。上星期五開始，覺得小便有d痛，仲有少少流啡，因為驚會影響個胎，所以都係問下醫生，醫生話好太機會係尿道炎，開咗消炎藥俾我，再留小便驗清楚。

今次會解涷3個day3既胚胎，再陪育到day5，醫生話雪過既胚胎，得70%機會解涷成功兼可陪育到day5。以下就係今次既strategies：

1）如果3胎都成功，就會雪返一胎，只放兩胎。

2）如果得兩胎成功，就放兩胎。

3）如果得返一胎成功，就會解涷埋之前已經day5的雪胎，都係放兩胎。

4）最壞打算係一胎都唔成功，咁就只可以解涷已經day5的雪胎，放一胎。

期待幾日後放胎，希望成功啦。

失業第5個星期 – farewell dinner, enjoy free beauty services

失業第5個星期，終於又有agent見下，嘩，個agent靚到呢，好似熊黛林咁高咁瘦，個樣我覺得靚過熊黛林tim，滿口純正英文，應該係abc，心諗咁靚既女，洗乜做呀，或者去做model好過啦，至於佢作為一個recruitment agent，就麻麻lor，一嚟唔算好熟個industry d野，二嚟之後佢都無搵過我lu，即係無job係手啦。

事關我同dept head一齊被裁，dept head做咗18年ga la，都幾好人ga，成日請我地去食好野，所以佢走，成班it同事就同佢攪咗個farewell，我就痴到有得一齊去鯉魚門被farewell。d同事仲準備咗張thank you card同禮物俾佢，多謝佢咁耐以嚟既照顧，surprisingly原來我都有card收，真係好感動，俾人裁都可以咁開心，真係裁多幾次都唔駒ga，哈哈！

唔想太過收埋自己係屋企，keep住搵d唔洗錢既野做下，過下日晨， 例如已經俾晒錢買course既修甲同facial咁，我個修甲course就嚟完，店主循例叫我續，我話失咗業呀，無錢買course，佢就真係放過我，我幫襯咗佢幾年ga la，真係人間有情。幫襯咗唔少既MTM﹙我係diamond member嚟ga﹚，又無啦啦free一次spa俾我喎，MTM不嬲都唔會push你買野的，所以我都好放心去試做，結果，當然係一蚊都無洗過就走到啦，其實佢地個spa真係超正，有能力既話我都想得閒去下。

IVF Round 1.2，START!

上個月做完割子宮息肉手術，因為未放胎，可以零避忌好happy咁過咗個農曆新年，sushi、雪糕、芋頭糕、蘿蔔糕、咖啡、啤酒，全部都放入口，跑跑跳跳、打通宵麻雀，咩都做齊，真係好耐無試過咁開心。

開心過後就重回做b路，今個cycle遲咗4日，原本都幾擔心，所以今日見醫生就問下，醫生話做完手術影響咗個週期都唔出奇，咁我都放心d，醫生仲話今次用natural cycle放雪b，唔洗食藥，又唔洗打針，day11返去照排卵情況，之後再計下邊日放胎就得，實在太好了！

蛇年一到，年初一已經食咗鋪13么，同埋自摸咗好多鋪，好好運呀！希望好運繼續嚟啦 ^_^

失業第2-4個星期 – 0 job post，唯有準備過新年，我唔靠男人架。

失業第2個星期，有agent見，有工見﹙不過唔係好啱﹚，又有返去見個consultant，日日都有係jobsdb”襟”job applications，每日都襟十幾廿份，其實都幾忙ga。都仲係未慣無工返，每日差不多9:30am就自然醒了，係呀，9:30am呀，比上星期遲了 

第3星期，開始越瞓越晏，10點先自然醒，就算醒咗都繼續攤係床。無工見，無agent見，事關就嚟農曆新年，連jobsdb既job post都無乜，只好約下fd食飯﹑去下facial同理髮，但係，個心開始有d焦急了，雖然有舊錢搣下，但真係好驚要搣一世。。。

無工搵，做下d無聊野啦，就係呢個星期，我創立咗個fans page，見到有咩筍野就會post上facebook，希望大家都可以慳多d錢，尤其係我呢d家陣要靠搣積蓄渡日既人。大家都支持下啦http://www.facebook.com/PigbunKitchen

第4星期亦都係好忙既一個星期，事關要拜年，我周圍同人講話我失業了，始終我係女人，又嫁咗人，所以個個都只會話「無所謂啦，等老公餋囉」，除咗我阿媽會話好擔心我。。。佢口個句話始終我有份工，老公就無咁大壓力，但我知佢心個句係想話，如果我自己搵唔到錢，萬一個老公又唔要你，點算﹖！阿媽，你放心，我係你生出嚟架嗎，由細到大你都教我唔好靠男人，你心個句，我聽到的。

就係咁，又過咗一個月了。

Book咗東區婦產科同家計會

見仲未搵到工，d時間flexible d，Book咗東區婦產科同家計會，萬一放埋兩次雪b都唔成功﹙而我又未搵到工﹚，就再試下政府ivf，政府ivf有年齡上限，如排隊見到醫生時已到40 歲就唔會幫你做。反正得閒，咪試下囉，話晒交咗咁多年稅，享用返d福利都要啦。新年前打去book，東區醫院book到4月2日﹙星期二﹚10:30am，家計會就book到4月26日﹙星期五﹚8:30am。好在唔洗返工啫，如果唔係真係要請一日假先得。

Book東區醫院婦產科真係要過5關6斬將，首先去睇家庭醫生寫張轉介信，之後我地某個星期6早上去咗東區醫院，以為可以即刻有醫生睇，點知原來婦產科只開星期一至五9am-1pm & 2pm-5:30pm，咁就白行了一趟。東區個reception俾咗張紙仔我，寫咗個查詢電話，打咗幾日都唔通。終於通了就叫我fax醫生信同寫低電話fax過去，朝早fax過去，下午就有人打俾我話漏咗無fax 身份証同住址証明，當時我係街，所以第2朝先再fax過。之後等咗5日都無人打返俾我，我咪打去追，跟住東區d人就話：「收唔到喎，無喎，真係無喎」，你話係咪火滾。無計啦，咪又fax過囉，之後又打嚟話個身份証唔清喎，真係暈了。成份野重新fax過，之後個日就收到電話confirm booking了。

家計會個電話又係打極打唔通，不過一旦打通就即刻confirm到booking。佢同我話記住帶錢，醫生費300，另外女方要驗血，大概千幾蚊，嘩，乜同睇私家差不多錢既，咁我做乜要睇佢呢，仲要晨咁早，我感覺上8:30去到都係等等等ja wor，真係唔係好想去。。。

Anyways，希望雪Bs攪得掂，或者排到政府時我未到40啦！

以為d親戚已經問到口臭，點知原來仲未問夠。

其實都問咗我3年啦，有就有，無就無架啦，我知我知，全部表姊妹都生晒，係我未有呀嗎，我都唔想架，已經做埋ivf，都唔成功，仲無得靠個肚頂住份工，我已經好down架啦，想我點呀？

男家：老公3個表妹，全部婚後兩年内有咗，一兔一龍一蛇，佢表姐，已經有兩件，最大個件9歲，另一件7歲，再添一兔一龍，佢哥哥家姐各有一件，以為咁熱鬧，大家今年focus係d新生兒度，唔好攪我啦，點知佢個唔通氣既大伯娘，用好嚴厲既口吻叫我快d生返個，好似This is an order咁，我老公咁啱行開咗，我真係即時有d想喊囉，唔係我唔想生，唔係我無努力過呀，大伯娘。。。 (Ｔ＿Ｔ)

女家：感覺良好好多，我家姐有一件，堂妹今年又添一件，五叔婆永遠咁明事理，又好記性，佢只係問下幾時到我整返件，仲話如果呢一兩年再唔生就唔好生啦﹙佢應該仲記得我幾多歲﹚，其實我都係咁諗。。。4姨就問我有無睇過醫生，我話有，驗咗我同老公都有問題，要比人努力十倍先得，然後佢笑了。2表姐又剛剛公佈有咗，第三件了，佢話係意外喎，點解我無意外既？唔緊要啦，咁佢生埋我個份囉。

朋友：5 pair 人攪聚會，3 pair 各有一件，1 pair 結婚3個月，我就俾兩個媽媽問我進度如何，我話難囉，你地d老公全部肯為咗做b戒煙，我老公堅持唔戒，仲經常飲啤酒，佢話好多人食煙飲酒都生得出啦，所以佢唔信，醫生既說話佢唔信，醫學報告都唔信，我真係無辦法囉，只可以隨緣。其中一個媽媽都係求車公得子的，所以今年初3，我都去咗拜下，希望有用啦！

洗洗洗，洗走衰氣迎蛇年！

琴日途經鵝頸橋街市，見到有碌抽葉賣，諗諗下，買嚟沖走龍年既衰氣都好喎，於是就買咗兩扎（$5/扎），同老公一人一扎。

上網睇過，最好煲一煲d碌抽葉，之後用d碌抽葉水抹身，頭、面、身、下體、腳趾都要抹，咁就包保衰氣走晒。沖涼時間為年廿九至年初一子時（子時：23時至01時）之間。

另外，係bk見到有jm話擺風水陣催b work喎，放大葉植物（如萬年青）係屋企既東面旺生女，東南面就旺生仔，我屋企係鑽石形，東面同東南面都缺半角，唔怪得咁難有啦。。。

祝大家蛇年行好運，齊齊bingo *\(^o^)/*

風水佈局生BB??

好想龍年快d過！

睇返我個blog最近既心情公仔，好似好耐都無開心過了。其實又真係無咩值得開心，呢個龍年，好努力咁去achieve既野，一樣都achieve唔到，年尾流流，仲要一次過爆晒出嚟，我仲可以笑面迎人，已經覺得自己好叻。

呢個龍年，做過兩次手術，年頭通輸卵管，年尾割子宮息肉，以為年頭做過手術，應該可以當蔽災，點知原來未夠，年尾既手術前，再爆失b+失業過我嘆。

呢個龍年，做咗兩次iui，一次ivf，都係失敗失敗同失敗，真係好失敗。

呢個龍年，我仲失去了我親愛的大表姐，死於乳癌，享年39。跟大表姐感情很好，所以很傷心很痛。直到現在，依然是很傷心很痛。

希望上天要給我既考驗都完了，俾我安安靜靜同安安全全咁過埋個龍年，我承受唔到再失去其他野了。。。

失業了的第3-7天 – 好想搵返份工係ifc﹑入院割子宮息。

失業第3天，都係9點就已經自然醒咗，食完早餐就跟琴日個consultant既建議，執咗份cv，好在一年前已經想轉工，update過份cv俾d recruitment agents，所以都好快執完兼send埋俾個consultant幫我睇，另外，我已經send埋俾相熟agent，話咁快佢就約見我了。4pm去咗見agent，佢就話手頭上有份工啱我，係contract的，問我o5ok，對於一個失業既人嚟講，咩都ok ga la，轉個頭佢就call返我話arrange到interview啦，嘩，我真係無諗過咁快囉。

第4日，之前我係IFC2返工的，多咗幫襯樓下間Shisedo，所以佢地得閒就會free d service俾我，例如修眉﹑facial。失業前已經約好咗的免費修眉，失咗業，梗係要慳得就慳，就算要我gut返出中環，唔洗錢修眉，都一定要到啦。重回ifc，都無話太傷感既，只係畢竟係度出入咗6年，ifc又咁靚，真係好想搵返份工係ifc。

第5日，因為我住太古坊附近，而我之前亦都係太古坊返工的，所以就約咗個舊舊舊同事食lunch，之後行下太古城。

星期6&日，入院做割子宮息肉手術，又係被裁之前約好咗的，好在公司個medical俾我claim到3月中，所以都無蝕。

我另外的blog文：割子宮息肉

就係咁，第一個星期就過了。

 

割子宮息肉

今日入院割子宮息肉了，10am開始禁食，3點多已經係手術室出面等，當時已經好肚餓，手術前醫生問我有無咩想問，我第一時間問幾時可以食野，同埋要唔要戒口，醫生話係小手術，醒咗就可以食野，唔洗戒口。

麻醉師又循例問下我有無藥物敏感，之前有無試過全身麻醉，我話有，上年2月通輸卵管先麻醉過，我話今次可唔可以輕手d，我驚我越來越蠢，佢話女人蠢d可愛d喎，其實d麻醉師都幾有幽默感，但佢幫我麻醉時，duk得我好痛。。。

4pm入手術室，4:30已經攪掂兼醒了。手術完畢醫生攞咗d相同已經割了出來既息肉俾我睇，其實都真係幾大粒，有手指尾一節骨咁大，未有bb前，其實我地個子宮係好細架ja，所以就算得手指尾一節骨咁大，加上個位生得近中間，足以阻住1/3 - 半個子宮，真係會影響著床，醫生話割咗之後，雪胎就有大把位著床，應該唔會有問題囉喎。

返到病房姑娘話我要4小時後先可以食野，我話醫生話即刻食得架喎，姑娘話唔得，水都唔飲得，驚我會嘔，個肚係咁gulu gulu，又瞓唔著，真難捱。

6點多我決定唔理佢，飲咗啖水再食咗半個豬仔飽，無嘔喎。7點幾就同老公係醫院開餐，食飽飽，睇陣ipad，玩陣candy crush，9點幾就瞓。不過都唔係瞓得幾好，零晨4點幾有人大叫，攪到我醒咗之後都唔係好瞓得返。

失業了的第2天 – 搵career transition consultant，create Linkedin

失業第2天，可以自然醒，但未習慣唔洗返工，9點就已經醒了。公司話已經俾咗兩萬4一間career transition既公司，間公司既consultant會幫你重投職場，你去唔去都已經俾咗錢，你唔去，個兩萬4亦都唔會俾你，你要兩個月內搵呢間公司，如果唔係就無架啦。我呢個師奶仔，梗係唔會俾人白賺啦，所以食完早餐就打咗去約見。下午3點就去咗搵佢，佢俾咗本野我，係教你點寫cv同要點樣搵工，教你諗下自己嚟緊想搵咩工咁囉，都有d用既，不過唔值兩萬4囉。另外佢有6-8 partition位，你隨時可以上去坐，有自助水吧，有電腦，有printer俾你print野，我即時諗起當年sars，有好多男人驚俾老婆知道失咗業，所以要扮返工，有呢個地方，d男人就唔洗坐係公園或者快餐店度扮返工啦，都幾好喎。

唔好意思影人地個失業避難所，不過個避難corner大概係咁既樣，私隱度都幾高ga。

個consultant好巴閉架，話佢地幫過500+人，95%係3個月內搵到工，希望我唔會係個5%啦。另外，個consultant教話要create返個Linkedin account，好多公司既hr同agent係Linkedin獵頭gor wor，咁我又create返個啦。經Linkedin識咗個agent，係coffee shop見咗佢一次，佢說我減少少人工，大家為咗一千蚊拗咗好耐，最終我屈服了，但最後咪又係無咗聲氣。。。

繼ivf失敗後，連份工都無埋啦，天意！

唉，真係一不離二，繼ivf失敗後，連份工都無埋啦，天意！

半年一度裁員日，終於輪到我了。老細話公司restructure過之後，我個位redundant咗喎，是但啦，自從我做既野北移咗之後，我就預咗有今日，所以呢一兩年都只係努力造b，希望靠個肚頂住，等公司唔炒得，可惜，自己個肚唔生性，唉。。。

家陣真係亂晒陣腳，無得再claim pregnancy checkup，無得claim生仔，無晒產假。就算揾到工都要做滿9個月之後有先開始有得claim，所以真係唔知仲放唔放胎好，定hold住先？如果照放，又成功了，大住個肚邊有人請？

老公叫我專心放胎，攪掂個b先，但我又好擔心，萬一都係唔成功，咁就全軍覆沒了。失業又失b，雙失！老公又話不如排埋政府ivf，政府既婦產科診症時間係星期一至五9:00am-1pm & 2:00pm-5:30pm，真係唔洗返工既人先有時間去排架。

不過為咗唔好俾自己dump懶個身，我都係決定即刻揾工，要同時間競賽，再睇下個天想我點。。。

失業了！

工作咗6年既公司﹙某美資銀行﹚，呢兩年嚟已經每半年裁員一次，今日1月21日﹙星期一﹚，終於輪到我了。因為老細坐我隔離，所以其實上星期都已經聽到d野，feel到d野，亦都知o個個將會係我，只係唔知邊日。

回想起當日被裁，10:30am俾老細call咗去conference room，個下真係諗住拎埋手袋去ga，因為如果係裁，公司係以即捕即解形式，收咗信就唔可以再返位，唔准自己執野架啦，但我又驚如果真係開會，俾其他同事見我攞住手袋，就真係會好樣衰lor，所以我只係攞咗電話﹑百達通﹑少少cash同著返件褸就去了。

係conference room門口裝一裝，見到老細同一個我唔識既人(HR)係房度，就知自己中了。第一時間係開心，好似中咗獎咁﹙事關真係賠得好好﹚，其實真係等咗好耐啦，始終公司每半年都裁一次，知道遲早到自己，趁出面個市未係咁差，公司又仲有能力賠足既時候，真係唔該俾我先啦~~ 不過之後就諗到我個b計劃，完了。

收信既前一分鐘，仲同個fd msn緊，所以一行出公司，第一時間whatsapp返個fd，通知佢我走了，佢當然好突然啦，之後先打俾老公﹙係呀，通知fd先到老公，嘻嘻﹚。當時大概11點，心情未平復，咁啱個日朝早心情好，打扮到好靚﹙可能係呢6年嚟打扮最靚既一次﹚，所以未想咁快返屋企，就去咗搵老公，老公公司係上環。之後又whatsapp我個teammate，話佢知「我走了，以後辛苦你啦」。佢問我得唔得閒出嚟食lunch，我咁啱無約人，就係咁，收信o個日就同咗幾個最fd既同事食咗farewell lunch。之後又去搵咗個fd，之前佢成日想我入股佢間café，家陣終於有錢在手，就去了解下自己適唔適合啦，不過最終都係覺得打工啱我d，創業實在太大壓力了！咁樣就過咗我失業既第一天。

我另外的blog文︰繼ivf失敗後，連份工都無埋啦，天意！

 

失敗原因

今日見醫生，主要問下點解唔成功，同安排一下割子宮息肉。

醫生話我比預期中早咗嚟m，即係ETs無著床過，原因有3︰
1﹚胚胎質數不佳，day2 grade A- 唔代表之後可以繼續生長，可否繼續生長，取決於卵子同精子質數，醫生話我既卵子無問題，但精子就依然係得1% good。
2﹚子宮問題，即係賴粒息肉啦，其實醫生一早都話我粒息肉唔細﹙超過1cm﹚，係會影響著床，不過可以的話，真係唔想捱多一刀，兼麻醉多一次，事關上年2月入院做通輸卵管手術，全身麻醉過一次，上個月抽卵又麻醉過，d人話每次麻醉完都會蠢咗ga，一年麻醉3次，就嚟蠢過隻豬啦。
3﹚唔記得，定佢無講，當原因不明啦。

上網搵到詳盡資料︰
探討屢次試管嬰兒著床失敗的原因及其治療

終告失敗了…>_<…

今朝見流啡，即刻打返公司請病假，諗住留係屋企卧床，睇下仲有無得救。如常塞了藥，抖咗一、兩個鐘，起身再check，無流啡了，只係流水。打去診所問，姑娘話好多人初期懷孕都會流啡，建議我用驗孕捧驗一驗再打俾佢，準備驗時便見紅了，同m一樣多，第一次ivf正式告吹。

ETs bye bye 了。。。

Day27再驗咗紅d綠d，應該失敗了。。。

應該失敗了。。。

今日day27再驗咗紅d綠d，紅d比前日仲淺咗，綠d依然白雪雪。紅d越來越淺，應該無機會了。

好唔捨得兩隻ET，醫生話佢地好靚ga，但最終都係嚟唔到呢個世界，bye bye啦o(︶︿︶)o  。雪BBs接力，加油啦！

有幾多ivf朋友會同屋企人講話自己做緊ivf既呢？

放胎請咗一星期假，今個星期返返工，蹱正要返早更，所以呢幾晚都瞓得唔好，朝朝6:15起身塞藥，之後抖40mins先正式起身梳洗返工，成日驚會唔知醒塞藥，攪到好多時4/5點就醒咗，一直瞓唔返，眼光光等塞藥，塞完藥反而瞓得返，可惜得40mins呢。回想起上星期放假，可以自然醒先塞，真係relax好多，不過終於捱到星期四啦，捱埋聽日可以有兩日等自然醒先塞，真好！

眼光光時又會諗下d無聊野，今朝諗起其實有幾多ivf朋友會同屋企人講話自己做緊ivf既呢？我同我老公都無，我無同阿媽講，事關阿媽係愛跟我唱反調的人，無同阿爸講，事關佢不嬲唔係好理我既野，家姐都無講，事關佢係好易會擔心我既人，老爺99呢d，我就一定唔會同佢地講啦，嘩，個新抱唔好生飬喎，容乜易佢叫阿仔休咗我ga，哈哈，講笑啫  ﹙好多老爺99覺得生唔到仔都係新抱既問題，我地呢有見識既，當然知道唔係啦﹚

另外，同事亦都係唔會講的，事關我公司得閒就裁員，俾公司d人知道，傳到我老細度，知道我想生仔又未成功，仲唔先炒咗我，等可以慳返d產假咩。所以生仔呢家野，係公司嚟講簡直係天大既秘密。每次d同事問我幾時生，我都要擺出一幅唔想生的面孔，都真係幾討厭﹙I mean討厭自己個扮野樣 ﹚。

今日day25，偷驗了。

 

上網睇到話排卵後9日，或預m期前7日可以偷驗，所以今日用紅d綠d偷驗了，紅d淺控，綠d白雪雪，唔知仲有無機呢？？照計日日塞藥，前兩日又打過支激黃胴針，紅d無理由仲係咁淺色，紅d淺控係咪黃體不足呢？會唔會真係太早驗呢？同埋…我d紅d綠d係過期ga, wakakakaka (expire Sep 2012)

醫生話1 月15日可以正式驗，如果唔成功就16日見到m小姐。咁15日我又再驗下啦。

話時話，上星期5開始已經無晒ohss反應，星期日仲唔知點解開始發冷﹙探咗睇下自己係咪發燒，但係得36.2度 -__-|||﹚，胃口好好，食完野個幾鐘又肚餓，易攰又唔覺，無谷m feel，覺得個胸脹咗少少，唔知係咪m小姐就來……

蝦仔你乖乖瞓落床 ♪(～0～)♪

月光光，照地堂，蝦仔你乖乖瞓落床 ♪(～0～)♪

琴晚沖涼時，諗起話得閑唱下歌仔，對bb發展有幫助，雖然我胎裡面o個個仲未成b，不過唱歌仔乃我強項，唱下無防。唔知點解，即時就哼咗「月光光」，哼到“蝦仔你乖乖瞓落床～”，簡直係我既心聲，家陣最擔心既係佢著唔著床。

琴日開始已經無咩ohss反應，只係個肚抽過一下，醫生話應該琴日著床，抽蛋個日開始已經日日食花膠同飲花膠湯，希望黐得實啦。。。

ohss反應，原來係有好過無

上網睇d人話有ohss反應原來係好過無，抽蛋後10日仲有ohss反應（late ohss），就有97%機會bingo。今朝上磅又輕了1 lb，又無咩唔舒服，仲擔心可能已經失敗了，抱著平常心食咗個包，飲咗杯奶，見仲肚餓就煮個麵tim，點知煮完個麵就嚟料，痛痛痛 {(>_<)}，忍住痛想食埋碗麵先（驚一陣淋咗唔好食呀嗎），但最終都頂唔順，食咗幾啖就爬返上床休息了。

不過個研究係話有late ohss既先有97% bingo，我呢d抽蛋未夠10日既ohss（early ohss），只係得41.5% bingo，所以唔可以開心住，睇下過多5日仲有無唔舒服先知。不過其實過多5日都已經可以偷驗啦。。。

去完覆診，醫生又開兩針俾我，話係幫助自製黃體胴的，打咗之後，肚谷情況會更嚴重(*_*)。好似有d低能，但都問咗醫生大小二便同打噴嚏會唔會chok咗對ET出嚟，佢好肯定咁答我話唔會，咁都放心d。另外，醫生話再陪育的胚胎，只有一粒成功，即總共有5粒雪b備用。

補充一句，ohss消失既時候，就係m來既時候，所以。。。ohss唔好離開我呀呀呀！！！

主題：【 早期和晚期的卵巢過度刺激症候群(OHSS)和懷孕的關係(2005/5/4) 】

---

    卵巢過度刺激症候群是不孕症患者接受不孕症治療時，卵巢對排卵藥物的反應過大，造成患者腹漲、嘔吐、腹水、肺積水、電解質不平衡、血栓、呼吸窘迫…等症狀。

　如果發生的時間在取卵後的九天內，稱為早期的卵巢過度刺激症候群(early OHSS)，而取卵後十天才發生則稱為晚期的卵巢過度刺激症候群(late OHSS)。

　一般不孕症醫師認為發生OHSS的患者八成是代表成功懷孕；比利時不孕症團隊把OHSS發生的時間分成早期和晚期，進一步分析比較兩者發生的原因和探討兩者的懷孕率，以作為醫師對患者諮詢及治療的依據。

　針對4376位接受試管嬰兒治療的患者進行研究，其中113人有OHSS的現象，細分之下發現有53人為早期的OHSS，其餘60人為晚期的OHSS，然後再進一步統計個別的懷孕率。

　研究結果顯示，早期的OHSS患者懷孕率為41.5%，比沒有OHSS的32.8%高，而晚期的OHSS的懷孕率可以高達百分之97以上；在流產率方面早期的OHSS三成以上會流產，而晚期的OHSS僅有百分之五會流產。

　為何會有這種現象﹖作者認為早期的OHSS可能是患者接受過多的HCG(一種安胎助孕的針劑)所造成，而晚期的OHSS，是因為懷孕造成體內自行分泌HCG進而過度刺激卵巢所致，症狀通常持續比較久也比較嚴重。

(摘譯自歐洲人類生殖雜誌2005年3月份)

---

放胎第三日，一朝早起身個肚勁痛 {(>_<)}

今日係兩隻ET既day4（抽蛋計day0），唔知佢地點呢？有無繼續分裂呢？定已經跌咗出嚟？成日都好驚會跌返出嚟，大小二便既時候都驚會痾埋出嚟，其實會唔會既呢？？呢幾日涷返好多，我d鼻敏感又來了，狂打噴嚏，真係好驚會chok咗佢地出嚟。見d人話唔可以浸浴，但又最好坐係度沖涼，我就放咗張櫈仔係浴江，坐係度沖涼，唔知係咪真係有用既呢？

呢幾日都係勁瞓、睇電視、去下supermarket、同煮下飯仔，琴日試過兩次個肚勁痛，食咗塊芝士同飲杯奶之後就舒服d，應該係ohss反應，聽聞食蛋白質食物可以舒緩。

一朝早起身又勁肚痛 {(>_<)}，右邊三角位痛，我撳到脹咗，一起身就痛，坐都痛，食咗塊芝士同飲咗杯蛋白shake，就爬返上床瞓，原本仲打算敷下mask，但真係痛到企多陣上mask都唔得，抖咗兩個鐘就好返好多了，三角位都無咁脹了。

打完晒d排卵針之後開始增磅，3日重咗6 lbs，非常擔心，都係個句啦，未有先增磅，唔得囉，今日再上磅，終於輕返4 lbs啦，但唔知係咪一件好事。。。