半年一度裁員日，終於輪到我了。老細話公司restructure過之後，我個位redundant咗喎，是但啦，自從我做既野北移咗之後，我就預咗有今日，所以呢一兩年都只係努力造b，希望靠個肚頂住，等公司唔炒得，可惜，自己個肚唔生性，唉。。。
家陣真係亂晒陣腳，無得再claim pregnancy checkup，無得claim生仔，無晒產假。就算揾到工都要做滿9個月之後有先開始有得claim，所以真係唔知仲放唔放胎好，定hold住先？如果照放，又成功了，大住個肚邊有人請？
老公叫我專心放胎，攪掂個b先，但我又好擔心，萬一都係唔成功，咁就全軍覆沒了。失業又失b，雙失！老公又話不如排埋政府ivf，政府既婦產科診症時間係星期一至五9:00am-1pm & 2:00pm-5:30pm，真係唔洗返工既人先有時間去排架。
不過為咗唔好俾自己dump懶個身，我都係決定即刻揾工，要同時間競賽，再睇下個天想我點。。。
加油AR! 唔好灰心~ 個天係咪想你專心等BB呢~?
回覆刪除無論如何, 我都支持你~!
你兩邊都做, 放胎+搵工, 睇下個天想點~ 如果係我, 我都會咁做~
上天一定有佢的安排~
[版主回覆01/24/2013 23:30:48]多謝你既支持，希望明天會更好。
又或者個天想備個假期你休養身體呢。記住向好方面唸! 正能量!!
回覆刪除[版主回覆01/26/2013 18:41:10]唯有係咁諗，老公叫我生b同揾工都唔好咁大壓力喎。
上天一定有佢安排,加油! 唔好灰心!
回覆刪除[版主回覆01/26/2013 22:12:58]一切就交俾個天作主吧。
繼續搵工, 放胎都吾會請好多日假. 船到橋頭自然直
回覆刪除[版主回覆01/26/2013 22:21:18]放雪胎其實唔放假都得。雖然上年帶咗13日假落今年，但都唔想放得太多假影響公司，所以原本無打算放假，諗住就返星期六放胎，星期一就死返工（咁有責任心既員工都俾人炒，真係無野好講），而家咁都好，迫我休息養胎，希望成功啦。
因為今次事件, 我已經決定自行辭職休息一段時間.
回覆刪除[版主回覆01/27/2013 18:15:30]支持，一齊放假休息下，唔好放棄呀，祝你有轉機！