昨天見紅了。。。
今次我無偷驗，以為盡量唔諗，咁樣就算係放鬆了，但原來都係無用。醫生話星期六驗，我星期六朝早都無驗，因為夜晚約咗朋友入深井食燒鵝，驚知道咗就要開始戒口，所以打算食完先驗，點知臨出門口前便見紅了。其實之前一晚已經開始有少少谷m感覺，所以都已經心知不妙。
之前一晚總計過，3年來，包晒睇中醫、西醫、針灸、驗輸卵管、通輸卵管、割子宮息肉、IUI x 2、IVF x 2，總共洗咗差不多15萬，得到的只有肚皮多了3個疤，28次的失望，同最後一個雪胎。今次放雪胎洗咗萬6，最後的一個雪胎唔係好靚，老公覺得洗多萬6放一胎唔值，所以應該會棄胎了。。。
今次，我是真心決定唔生了，我甚至同老公話：「我唔生啦，要生你揾第二個同你生啦！」真的，我真的這樣説了，還說了很多次。輸卵管閉塞、子宮息肉，我都解決了，呢個月仲要唔洗返工，無壓力又有充足休息，有日日飲黑糖薑茶、食花膠、食朱古力、有打針、有塞藥，但個子宮都係唔聽話，根本已經無計可施，只好認命，如果老公要揾第二個同佢生，我亦無寃。真的，真的無寃。
話晒都已經努力咗3年了，老實說，生b的熱情真的已過。之前一直抱住人有我有既心態，怕自己唔生，就會同d fd無晒話題，成班fd又唔多唔少會形造出一股“鬥快生”既情緒，事關大家都踏入高齡了，但現在，身邊的朋友都已經成功了，我已經唔需要再鬥，因為我已經輸了，我真的輸了。
Blog友們，你地努力啦，我會繼續祝福你們，加油！
4月2日東區醫院的appointment我會照去，通常d人要等若干年，我就即管睇下自己有無咁好彩，40歲前排到啦，呢個將會係我地既last last chance!
我明白你既心情. 一次又一次既失望, 可以做既又已經做晒, 果種無奈同痛苦, 只有過來人先明白...你而家要做既係, 忘記以往, 放鬆下, enjoy下二人世界先. 再同老公傾下, 睇下係咪真心想要bb (唔係因為身邊人都有, 亦唔係為左唔想輸...). 祝福你地呀!
回覆刪除[版主回覆03/25/2013 12:28:28]老公覺得唔生好似差少少野, 但生咗又應該會有更多的問題衍生...... 但肯定的就係我地唔會再花十幾萬去做ivf, 所以如果排到公家ivf或自然有咗, 咁我地先會有b, 即係100%等運到。多謝你的祝福
“鬥快生”既情緒 <<< 好明白, 好感受到~
回覆刪除4月2 好快到~ 睇下到時點啦~ 加油!!!! Cheer Up!!!
[版主回覆03/25/2013 14:34:04]謝謝! 不過排到公家既機會可能同自然bingo到既機會差不多, 哈哈, 聽天由命啦
極之明白你的心情, 我都曾經做過3次IVF, 2次FET, 洗左25萬, 結果要做第4次IVF, 但係我仍然未識放棄, 因為我真係好鍾意BB.
回覆刪除經過IVF, 我終於知道有錢吾係大晒架, 係用錢都吾會買得到想要O既嘢.
祝福你....身心愉快~
[fishbb回覆03/26/2013 09:04:06]做Ivf等於燒銀紙。確實公家平好多，今次我用埋公家，會得返最後一個機會，聽天由命，到時我可能都要離場了
[版主回覆03/25/2013 17:46:05]堅持亦係一件好事, 如果有人sponsor的話, 我唔介意拋個身出嚟繼續ivf
你努力呀, 祝早孕
有時吾強求,就突然來臨!!
回覆刪除祝你好運....好孕
[版主回覆03/26/2013 14:43:16]我都祝你好運，大家一齊等自然bingo啦
或者暫時休息一下!!! 等待一個最好既時機來臨! 無論你的決定如何! 我都支持你!!
回覆刪除[版主回覆03/26/2013 18:16:50]謝謝
有時有d野付出左努力未必有相等的回報, 是很失落, 好明白你的心情.
回覆刪除我相信上天會有最好的安排 現在可能時候未到. 唔好放棄呀!
[版主回覆03/28/2013 20:47:15]有時d野明知唔work, 放棄=放過自己, 3年啦, 為咗做b hold住咗好多plans, 無止竟咁等, 真係唔係辦法呢...
Pigbun你好! 我用咗1個鐘時間，睇完又睇你的追b之路，我是走上這條路的初哥~.~我結咗婚4年，2年半前開始想要bb，開始的心態如你一樣，人有我有! 加上我本身是教幼稚園的，我當然是很喜歡小朋友才會做這一行! 但一直都沒有，情況如你一樣，身邊的朋友不論早或遲過我結婚的，計劃好或意外的都統統懷孕了! 每一次見到人家有小秘密我都好灰，好down! 唔係唔想戥人高興，只是我真的很妒忌!! 求神拜佛我都有做，總之人家說什麼好，我就去做!! 上年我開始積極檢查，發現我先生的精子形態不正常。原本以為只是我先生的問題，但我剛拿了照輸卵管的報告，發現子宮內有瘜肉!我即刻晴天霹靂，原定下個月計劃的iui不知怎様(因主診醫生放復活節假，姑娘唔肯講)我好擔心會影響iui手術，又擔心瘜肉會唔會變成cancer!
回覆刪除我上網睇咗好多資料，見到你同我一樣都有瘜肉，而我粒瘜肉有4-5mm，算大嗎? 在子宮內蟆中間位置，係咪好影響著床架? 其實係咪一個小手術黎架? (講真我一次都未試過bingo，有時唸有咗之後生長唔到，流產咗都算係有過呀...灰!)我同你心情一樣我唔想等，我就黎發癲!! 我無同屋企人講，唔敢講! 返工又難請假，我教書好怕俾人知，請假又難開口! 朋友又唔明白，我怕同人講，根本就唔想講! 同老公講得一次唔講得第二次，始終男人會覺得你煩，無人會明白我既感受! 所以看見你這個blog好想好想同人分享! 我之後落黎就係等...雖然我無板主你追b路的豐富，但我真係好明白你既感受! 講真我都一路睇一路喊! 我好驚，我好驚! 因為我唔係有錢的人，即使做iui都已經花我一筆的錢(因為之前有好多檢查)，所以我點可以好似板主或其他姊妹嘗試再嘗試呢!
最後，我想問因為昨天我才得知自己子宮內生瘜肉，而醫生又放假! 我只是拿了報告，我之後既路大概會點呢?有姊妹知道嗎? iui係咪要延遲做?
[小車人回覆03/29/2013 16:37:22]謝謝你!我都有排政府..不過都係要等囉! 2015年先有得睇!!! Anyway,想問吓你睇邊個不孕醫生架，方便告知嗎?另外，割息肉要唔要住院，我打算去私家做，因為想快d! 大概價錢around 幾多呀?
[版主回覆03/28/2013 20:57:46]我覺得, 有d野真係急唔嚟, 我個醫生話1cm先算大, 所以4-5mm應該都ok, 不過生係中間位就最好割咗先, 呢個只係一個小手術, 好似割痔瘡咁ga ja
子宮息肉通常都係良性, 所以唔洗担心。如果錢係好大既問題的話, 我提議你同時排埋政府, 每次覆診都會有醫生紙寫返俾你ga
28次失望？真係exactly 28次？我做咗4次已經覺得好灰喇！
回覆刪除[版主回覆04/02/2013 10:49:24]其實係唔止，28次只係我用手機app記錄咗既數字，未計未用app之前既cycles... V_V