日本/韓國烏冬同大陸烏冬真係差好遠ga, 大陸d烏冬好易欄, 呢隻韓國烏冬就唔同呢, 煮好耐都係好煙刄, 用嚟炒 點炒都唔斷ga, 食落仲好彈口tim! 一包4個烏冬, sogo 賣$12.8 ja, 係至平又彈牙嘅烏冬! 
係自創ga, 其實都唔知可唔可以叫鹵水汁, 因為無加我最怕嘅花椒八角, 仲要用片糖, 可能似瑞士汁多過似鹵水汁.
材料: 牛展
鹵水汁: 水4湯碗, 生抽8湯匙, 老抽3湯匙, 片糖一片, 蒜頭數粒, 薑一片, 黑椒粉少許
做法:
1) 先煮滾鹵水汁, 試一試味, 跟自己喜好再調味 (比正常咸多少少及甜多少少).
2) 放入牛展, 水滾後轉慢火炆1小時.
今日我做咗一件好勇敢嘅事, 就係做激光嬌視啦
. 手術約咗係8:30am, 朝早出門口一路搭車途中都仲諗緊做唔做好, 因為真係有d驚, 唔知自己會唔會咁唔好彩係手術過程中有意外, 以後睇唔到嘢 
手術分兩部分, 第一部分約需5分鐘, 好似係整起個角膜瓣, 整完之後唔係幾睇到嘢, 好驚好想走, 不過一心諗住, 我個friend都無事, 我應該無事嘅, 無咁黑仔嘅…
諗到呢度, 護士已經叫我去做第二部分啦. 第二部分約需15分鐘, 要揭起個角膜瓣, 之後就削磨個角膜, 過程中除咗聽到d好似燒焊嘅聲, 仲聞到陣燶味, 做隻右眼嗰陣仲無la la 聽到”呯”一聲
, 隻眼眨咗下, 幾驚會有事呀, 好在醫生話無事, 好成功咁做埋第二隻. 做完手術之後睇嘢好濛, 返到屋企就瞓覺休息lu!
事關我老公好鐘意生炒糯米飯, 出街食嗰d又好油, 有次肥媽教煮生炒糯米飯, 好似好容易咁, 就試下自己煮啦! 第一次失敗咗,因為糯米浸得唔夠耐 (只浸了3~4個鐘),又落得太多水,攪到似糯米雞多過似糯米飯, 之後就放棄咗, 但仲有好大包糯米係度, 唔知點算?! 後嚟有次係都市日報又見到教煮生炒糯米飯, 原來秘訣就係 “慢火快炒”. 我決定試第二次, 唔錯… 不過因我怕又會失敗, 所以是次無加臘腸或臘肉.
今晚係我第三次煮生炒糯米飯….
材料: 糯米, 冬菇, 蝦米, 臘腸
調味: 生抽, 老抽, 砂糖, 胡椒粉 各少許
做法:
1) 先把糯米, 冬菇, 蝦米 浸兩日. 將冬菇及蝦米揸乾水, 洗淨切粒.
2) 臘腸切片(或切粒).
3) 冬菇, 蝦米及臘腸 落鑊炒香, 加少許砂糖及胡椒粉調味, 盛起待用.
4) 糯米隔水.
5) 先把鑊燒紅 (最好用易潔鑊), 之後落油 (約兩湯匙), 油滾便可將糯米落鑊炒, 收至中火, 邊炒逿加水 (不用太多, 糯米開始軟身便夠).
6) 加入冬菇, 蝦米及臘腸, 再以生抽及老抽調味.
7) 一直炒至糯米軟身及乾身即成.
有興趣不防試下自己煮啦!
.
