放胎第三日，一朝早起身個肚勁痛 {(>_<)}

今日係兩隻ET既day4（抽蛋計day0），唔知佢地點呢？有無繼續分裂呢？定已經跌咗出嚟？成日都好驚會跌返出嚟，大小二便既時候都驚會痾埋出嚟，其實會唔會既呢？？呢幾日涷返好多，我d鼻敏感又來了，狂打噴嚏，真係好驚會chok咗佢地出嚟。見d人話唔可以浸浴，但又最好坐係度沖涼，我就放咗張櫈仔係浴江，坐係度沖涼，唔知係咪真係有用既呢？

呢幾日都係勁瞓、睇電視、去下supermarket、同煮下飯仔，琴日試過兩次個肚勁痛，食咗塊芝士同飲杯奶之後就舒服d，應該係ohss反應，聽聞食蛋白質食物可以舒緩。

一朝早起身又勁肚痛 {(>_<)}，右邊三角位痛，我撳到脹咗，一起身就痛，坐都痛，食咗塊芝士同飲咗杯蛋白shake，就爬返上床瞓，原本仲打算敷下mask，但真係痛到企多陣上mask都唔得，抖咗兩個鐘就好返好多了，三角位都無咁脹了。

打完晒d排卵針之後開始增磅，3日重咗6 lbs，非常擔心，都係個句啦，未有先增磅，唔得囉，今日再上磅，終於輕返4 lbs啦，但唔知係咪一件好事。。。