一個好消息+一個壞消息

好消息就係，我揾到工啦！Office係屋企附近，行5mins就到，原本如果有b，呢份工對我嚟講簡直係perfect，因為lunch time可以返屋企睇b，放工又唔洗5mins就返到屋企，你話幾好呢，可惜。。。家陣返工咁近都唔知為乜？！

壞消息就係，東華學院個研究，我抽唔中，即係，我只剩下若干年後既公家ivf呢個機會。而家，一切靠晒個天啦。

點都好，揾到份工，新的開始，新的希望，唔生仔就努力做野啦。以前係大公司做，見住d同事生完一胎又一胎，係咁放產假，但我就只有日做夜做，放咗工就打針，放例假時就去抽卵、放胎，真係同人唔同命。新公司，人少少，唔洗眼紅人地有得生自己無，應該會開心d。