IVF第一針，START！

今日終於決定了，幾大就幾大，燒賣就燒賣啦！

結婚8年， 3年前自覺年紀已經唔細，才打算生bb﹙雖然心理上未算太渴望﹚，點知原來可以係咁難。3年嚟，訪尋過6位中醫，當中4位都是朋友介紹，專醫不育的，睇過4個婦科，有3位亦是不育專家，偏方如﹕多進補、戒口、針灸、減肥、dodo完long腳、bb 碌新床、孕婦送m巾﹙台灣傳說﹚、求神、拜佛都試過了，還是蛋都無隻。

最終明白了，其實年齡才是關鍵，只要是旦一方﹙即老公或老婆﹚，年齡少於33歲，便很大機會13個月內自然成孕﹙例如洪生38歲vs洪太28歲、丁生32歲vs丁太37歲﹚，否則…咪要3、5、7年先成功囉，唉！

算了吧，容易成孕的年齡過了，那便用非常手段吧。試過兩次iui (natural cycle)都不成功，今天決定了，ivf吧！今晚第一針，START！

ivf是很需要勇氣的決定，事關要自己幫自己打針，連續打十日，對於一向打針抽血都擰咩面的我，真係唔知點落手