順利打晒6針，照到有9粒待成熟卵泡。

順利打晒6針，今日見醫生，照到有9粒待成熟卵泡﹙左3右6﹚，醫生話好理想，再打多3針就可以了，上次驗血結果亦一切正常，沒有卵巢/排卵問題，沒有貧血。27日再照卵，再驗血，睇下d針藥會唔會攪到個子宮過度刺激而不適合放胎，預計29日可以取卵，如果驗血結果無問題，31日放胎。

醫生叫我地返去諗諗，取卵時想局部麻醉定瞓覺，佢話如果成熟卵泡得10或以下，通常局部都可以，但以我家陣情況，應該有超過10粒，應該瞓覺會好d，事關局部咗都係會痛的，但瞓覺要額外多付$6300

另外，醫生今次照到我有粒子宮息肉，差不多1cm，晴天霹靂！！！粒子宮息肉有機會影響著床，先做手術去除再放胎會比較理想，咪即係又要等？？我唔想等喎﹙事關我下次排卵期放唔到假放胎，今個月唔放就要2月先放 )！醫生話唔切只會影響著床，只要個胎成功著床係息肉以外的位置，不會影響以後的成長，亦不會引致小產，粒肉不會自然消失，但有機會生完b之後甩埋，醫生話佢都可以就返我粒肉嚟放胎，阿胎唔走返去粒肉個邊就無問題，咁…好似都係唔切住好d喎……

唉，點解無啦啦會出咗粒肉ga？呢一兩年都有keep住睇婦科，照超音睇排卵情況，如果有，應該一早就照到，即係最近先出ga la。子宮息肉既症狀包括經期不正常及長期流啡，我不嬲經期都正常，會流1-2日啡，上個月流啡咗10日呀， 我都知有d問題ga la，應該係上次金魚街那個周醫師﹙周伯﹚攪到我咁啦，唉唉唉，上星期個舊同事都同我講話，上環有個好出名的劉醫師，都攪到佢﹙&佢同事﹚肝酵素超晒標，家陣對中醫真係失晒信心……