打完9針，有8粒成熟卵泡啦！

以為琴日打的第9針是最後一針，點知原來仲有兩針，今晚7點&9點打。

今日覆診，醫生照到已經有8粒成熟卵泡﹙左4右4﹚，仲有 多粒細卵，所以醫生就要我多打兩支針，希望佢地變埋大，一次過抽埋出嚟製胎。

今日再抽了血驗hormones & 黃胴體，睇下d針藥有無影響到子宮既生長情況，如果子宮被過度刺激，今個cycle就不可以放胎了，所以…希望子宮都乖乖啦！

另外，醫生仲開咗止痛消炎藥同抗生素俾我，係抽卵前後食的，仲有陰度塞藥，放胎之後的14日用的，早晚一塞，又係諗起都痛苦。唉！希望一take過攪掂啦。