最後一針完成了，下一步--抽卵。

Day11 10:30pm最後一針破卵針（Ovidrel）完成了，Day12可以休息一天，但零晨開始要禁食禁飲，準備Day13抽卵。總括今個谷卵療程，打了20針，肚皮瘀了兩撻，痛到爆 (（＞﹏＜）)

抽卵約咗10:30am做，麻醉師同醫生都好準時。又要捱一針落麻醉藥，好痛，覺得有少少呼吸困難，之後就暈了。。。

醒既時候大概11:30am，麻醉師同姑娘一直係度陪住我，一直都有儀器check住血壓同心跳，比起勝利，呢度真係周到得多。麻醉師見我醒咗，問我有無唔舒服，同一時間，姑娘就去叫老公入嚟陪我，之後她們便走了。休息到12pm，就起身準備離開。

問咗姑娘，今次抽到11粒（左7右4），醫生決定今個cycle唔放鮮胎，全雪。聽到之後我鬆了一口氣，因為可以休息下。另外，事關我已經辭咗職，直至離職前都唔可以請annual leave，要請假放胎確係有難度。